有料趁嫩晒！高海寧：後生唔怕素顏
前港姐高海寧昨日在九龍灣出席活動，講到今年港姐的參賽者在社交網大騷泳裝、性感照鬥搶鏡，她笑說：「我哋以前冇o架，我以前一舊飯咁，咩都唔識。依家科技發達，可以咁做嘅，冇話好唔好，自己都恨去陽光與海灘。（技癢想晒身材？）有好身材趁後生展現多啲都係好事，哈哈。」她直言內在美也很重要，最好是做自己，不要把輸贏看得太重，這些寶貴經歷會令人進步神速。
講到現在參選要素顏面試，她笑說：「素顏真係好大挑戰，不過我夠膽o架！仲後生唔怕嘅，更加可以分到真假，港姐好似唔可以整容o架嘛，素顏就睇清楚晒。」日前拍攝《C9特工》時撞親後腦及盆骨的她，指昨晚完成了一場爬通風槽的戲份，傷勢沒影響拍攝：「嚟緊仲有好多爆破、打鬥戲份，工作人員好錫住我，公司有安排替身，但係想效果好，盡量自己拍。」
