李佳芯湊B沖涼雞手鴨腳
藝人李佳芯、高海寧（高Ling）、楊卓娜等昨日出席無綫劇集《BB來了》宣傳，期間分別照顧真、假BB，佳芯為假BB沖涼時，竟一手揸住假BB的頭，又忘記除尿片，高Ling抱起BB女時搞到B女爆喊，場面搞笑！佳芯笑言拍攝該劇時，要與出生僅15日的BB演對手戲，為怕弄傷對方，起初也不敢掂BB，幸好現時已有進步，絕對可以挑戰湊B。問到何時結婚？她說：「十劃都未有一棟。（生仔先囉。）我好傳統！（咁點先結婚呀？）啲劇排到下年！唔可以咁樣停咗嘅！」
高Ling日前拍攝新劇《C9特工》失平衡跣倒傷及後腦，她表示現時出現飛蚊症，右眼看東西會出現重影，醫生建議照磁力共振深入檢查，暫時亦不要揸車。問到可有觀音兵接送？她笑言：「我都唔收兵。（男友鄧智偉有冇車你？）佢都唔揸車，有司機，佢都知我受傷，佢同好多同事都有慰問。當日有工作人員拍低事發經過，自己睇番都驚，因為跌落地時真係好大聲。」
