39歲美國女星嘉芙蓮希歌（Katherine Heigl）日前與老公Josh Kelley拜祭車禍身亡的弟弟，竟無厘頭上載多張二人在墓碑前High爆自拍的照片，相中見他們笑容滿面，更動作多多Chok甫，遭大批網民留言狂鬧！
嘉芙蓮事後知衰刪相，同時拍片向網民道歉，自言了解到在該處自拍並不恰當：「去拜山係沉重嘅事，我決定搵輕鬆幽默嘅時刻，冇意識到係幾咁唔合適，我深表歉意。」她同時多謝網民提醒，急急「撲火」挽救形象。