吳安儀愛犬晒球技一笑傾心

香港「四眼Cue后」吳安儀曾經怕狗，但收養金毛尋回犬Muffin後完全被融化，齊齊亮相東網巨星節目《巨星Pet Pet》，分享「人狗情緣」！

從未想過養狗的吳安儀，四年半前一次機緣巧合，從朋友手上收養Muffin，自此家中多了一位成員，她說：「我以前一直驚狗，但有一次朋友屋企有好多金毛尋回犬BB，叫我上去睇吓，Muffin就係其中一隻。當時我同佢玩得好埋，朋友見我哋好夾，於是畀我收養Muffin。」

「見到佢咩壓力都冇晒」

吳安儀早前登上世界桌球一姐寶座，直言家人及愛犬是強勁後盾，為她帶來無限支持：「每日返到屋企，最開心係Muffin衝出嚟迎接我！同埋佢好特別，因為識得矇眼，好似對住人笑咁，見到佢就咩壓力都冇晒！」Muffin十分好動，尤其鍾情球類活動，吳安儀在節目中與愛犬一展高超球技，接球百發百中，似足主人球技了得！她又分享愛犬的小嗜好，揭露貪玩一面。