開騷優先訂票8分鐘售罄 RB嚇醒阿偉被問候

今年是樂隊RubberBand（RB）出道10周年，宣布今年9月在九展Star Hall開演唱會，優先訂票昨早開賣，在短短8分鐘即售罄，RB四子一早就被好消息嚇醒，主音6號開心地說：「絕對係個令人感恩嘅時刻，到正式開賣時希望大家都會踴躍去搶飛，當係嚟同我預祝生日喇！」成員阿偉無奈說：「原本我有朋友想搵我買飛，我都想幫佢買，但都留唔到，今早佢打嚟善意問候，我都覺得好離譜。」阿正則笑說：「Good！」而鼓手泥鯭充滿歉意說：「我諗出一個道歉啟事，希望大家原諒優先訂票咁快就被人搶晒，大家只好再等正式開賣時再搶過。」