蔡一傑爆蘇志威好多女
草蜢昨日為海洋公園「動夏嘉年華」揭開序幕，三子並會拍攝宣傳廣告，以「Show至威」做口號，蘇志威即笑言應另收版權費。他們表示在成軍6周年時曾在公園外的露天停車場開騷，蔡一傑即想當年，指1977年第一次來玩，最喜歡坐吊車、睇殺人鯨和玩過山車，而蔡一智就愛黃昏坐過山車，因可以睇日落。問到蘇志威可有帶阿女來玩？傑仔即笑他：「佢係同好多女o架！」
另外，提到剛推出的演唱會DVD，傑仔說：「我用咗好多時間去剪輯，佢哋又放假又話送女返學，我就日日剪。」阿智笑說：「本來新年出到，有啲人又話補剪，剪自己嗰啲落去先係重點。」傑仔即說：「我幫你哋剪靚啲個樣咋，淨係得我做，發火呀！」