人妻唔「兇」得千嬅入親房都喊

楊千嬅、周柏豪、黃浩然、朱晨麗、洪永城及劇集總監製陳寶華等，昨日在清水灣電影製片廠出席新劇《多功能老婆》「新居入伙」記者會。千嬅表示為此劇一改平日本色，要「收斂一點」來演繹好太太、好媽媽，黃浩然即笑說：「我平時就好賢淑，今次拍劇要放番大啲，已經放低咗屋企嗰個。」

拍劇都要寫筆記

千嬅被問到是否有不少睡房香艷戲？她笑說：「冇！入親房都喊，套劇係咁喊，好多內心戲，對演員嚟講係好有戲癮，講夫妻、男女關係，好多內心掙扎，如果早十年認識寶華姐，我諗我會係高材生，可以入演藝。」她指劇中人物關係複雜，但不混亂，拍攝前要做功課思考，所做的筆記比讀書時還厚。

周柏豪被千嬅爆料指曾在髮型屋收聽總監製的錄音，他說：「以前啲群組係講無謂嘢，今次就討論劇本，因為25集跳來跳去拍，情緒都跳來跳去，最清楚就係聽番啲錄音。」

朱晨麗嫌洪永城嘈

另外，朱晨麗與洪永城飾演夫妻，戲裏戲外也是鬥氣冤家。問到對方是否喜歡的類型？她笑說：「我鍾意靜少少嘅。」食檸檬的洪永城笑言不會心碎：「戲內就鍾意，戲外就互相討厭，冇乜傾偈，哈哈。」至於黎燕珊就飾演朱晨麗的媽媽，她說：「同一班年輕人合作，感覺都青春咗。」

黃浩然講咩搞到楊千嬅笑到肚彎呢？	洪永城與朱晨麗配搭新鮮。	眾人齊齊切燒豬谷劇。