馬國拍戲發燒陳家樂回港即好番
藝人陳家樂、麥子樂及湯加文前晚到荃灣出席主演驚慄電影的首映禮﹐該片於馬來西亞拍外景期間，子樂充當「男護士」，負責照顧患病的家樂，二人頓成好兄弟且不時約會：「一齊睇波同飲吓嘢，加上大家都鍾意參與幕後工作，所以想喺呢方面合作。」問到男人會否傾心事？子樂醒目幫失戀的家樂解圍說：「少講，大家心照，只係會陪啫！」
家樂於當地更由喉嚨痛演變到因智慧齒問題而發燒，但甫回港即離奇地「不藥而愈」：「都信邪，拍呢套戲之前，根本冇人搵我哋拍戲，而喺馬來西亞仲同子樂合作拍多咗部戲，所以呢部戲算係我嘅翻生之作。」子樂則「好心有好報」，在當地賭場有「斬獲」：「係湯加文帶我去賭場兜咗個圈，買咗少少贏咗幾百蚊，我就將啲錢買晒最好味嘅榴槤，可惜家樂冇份食！」