健美女神湯沛宜 鍾情凸腩叔叔
藝人湯沛宜（ToTo）擁有Fit爆身形，身為「健美女神」的她自認是「叔叔控」，擇偶的指標人物竟是黃宗澤及林峯！ToTo急急解釋說：「我係鍾意35至45歲嘅男士，有種成熟味道！」
ToTo早前為參加比堅尼健美小姐比賽，積極做Gym及注意飲食，最終在賽事中取得第六名的佳績。賽前她中暑仆親，撞傷眉角留疤，但依然繼續參賽及做運動，可見性格堅強又敬業！
分享護胸秘笈
提到狂Keep Fit但仍力保E Cup上圍，ToTo分享瘦身不瘦胸妙法：「要照食嘢，個人要夠營養，我亦唔會做過多胸部器械，以免變咗胸肌，同埋每星期都會去纖體師度按胸，保持番彈性。」雖然追求結實身形，但她卻不要肌肉型男友，反而喜歡大隻之餘有少少肚腩的男士，又直認對「叔叔」情有獨鍾！但問到哪位藝人合其心意，她語出驚人說：「我鍾意男士成熟得嚟，外表陽光又打扮新潮，其實好多藝人都進入叔叔階段喇！好似黃宗澤、林峯、吳卓羲，我嘅定義係35歲至45歲，開始有韻味嘅男人魅力！」
希望老少咸宜
講到事業，早前ToTo挑戰做舞台劇，角色風騷甚考演技，又要表演唱歌跳舞。她希望可繼續做舞台劇、拍戲及劇集：「多咗觀眾認識我之後多咗工作，其實每場有人讚我鼓勵我，都係好大嘅強心針！（仲想演咩角色？）想做啲同平時唔同嘅，例如化醜妝、懸疑，最想演一家大細都啱睇嘅喜劇。」她直言不抗拒性感演出：「希望演繹到男士覺得靚，又唔會令女士討厭嘅性感。」
湯沛宜（ToTo）
身高：1米65
三圍：34E、24、34
興趣：街頭健身、高空瑜伽
服裝：Cherrilicious