陳煒當契媽學定湊B

陳煒出席契女談在心的百日宴，笑言要錫晒BB。

李漫芬為囡囡舉行的百日宴筵開十五席，陳煒、莊思明、楊明、謝雪心亦有出席，陳煒表示與Fanny相當有緣，對方結婚時她做姊妹兼MC，Elfa更是她第一位契女，問到送上甚麼禮物？陳煒說：「有小小心意畀佢，咁佢先會孝順我！」

老公想三年抱兩

現時她忙於拍劇，待9月份拍完新劇就會有上契儀式：「要學定點湊，可能將來拍劇都有用。（湊契女學湊B？）唔止學湊B，仲要好好向佢學習添呀！」

Fanny則大呻囡囡出世後令她地位不保：「老公以前返屋企會錫我先，依家就錫個女！（呷囡囡醋？）初初結婚感情好，依家就差少少，BB都黐Daddy，冇辦法啦係前世情人！」二人被問可會追多個？談成坤直認恨三年抱兩：「唔生好似好自私，BB會悶！」Fanny卻說沒有想過，要看天意，因為生B比想像中辛苦，又指產後一個月已拍劇、做司儀，大讚BB腳頭好。被問到收身成績，她表示懷孕令她增加12磅，目前差8磅，不過就肉赤老公捱到瘦晒：「佢依家連胸肌都冇埋，因為佢打兩份工，我哋冇請工人，係自己湊。」

李漫芬呷B女醋，指老公錫女多過錫她！	放大圖片	陳煒、李漫芬抱住BB，笑到見牙唔見眼。