超蓮：400 呎點住廿人！

賭王三房千金何超蓮昨日出席慈善活動，即場用手語跟小朋友玩遊戲，藉以喚醒大眾對聾童的關注，透露為此學習十多日手語：「老師都話我有天分！唔係好難嘅語言，我哋平時影相都有好多手勢。」她做出心心手勢的動作，指是「超蓮」的意思：「係一個『草花』頭，代表『蓮』，同埋代表『Smile』，因為我鍾意笑。」
何超蓮探訪住籠屋的獨居長者，坦言見到木虱與蟑螂。
何超蓮探訪住籠屋的獨居長者，坦言見到木虱與蟑螂。

投入行善的超蓮日前到銅鑼灣的籠屋派風扇，雖然身為千金小姐但都冇有怕：「估唔到銅鑼灣仲有籠屋！夏天又熱又焗，但嗰度冇得開冷氣，地方又冇人打掃，會有木虱同曱甴。（第一次見到籠屋，係咪好震撼？）係好接受唔到！想像唔到400呎住20個人，太空艙咁點住呢？入面仲有陣噏味！當初我去送嘢，佢哋都話唔要，叫我送畀有需要嘅人，直至探訪多幾次先至同我傾偈。」又自言不會因同情而落淚：「佢哋會唔好受！」

何超蓮為慈善活動學習手語，即場教小朋友。
  • 何超蓮為慈善活動學習手語，即場教小朋友。