已故美國流行天王米高積遜（Michael Jackson，簡稱MJ）的89歲前經理人父親喬積遜（Joe Jackson）被揭患上末期胰臟癌，進入生命倒數，但卻發生探病風波，他被指曾下令禁止家人見最後一面！據稱喬積遜以電話錄音方式，向管理團隊表示不准其家人探病或查看其醫療紀錄。喬的妻子嘉芙蓮（Katherine）與女兒Rebbie上周得悉他健康轉差後，前往其拉斯維加斯寓所見面，但她們在酒店住一晚後，再去喬寓所發現他已經被搬離。
嘉芙蓮與其他子女包括珍納積遜（Janet Jackson）都不獲准探病，眾人與喬的管理團隊周旋4日，才獲喬經理人Charles Coupet同意。MJ哥哥杰明（Jermaine）受訪時表示：「我哋冇被通知佢喺邊度，亦唔知件事係點，就算醫生都冇講清楚。我阿媽擔心得好緊要！佢非常非常虛弱，已經冇幾耐日子，家人需要喺佢床邊，呢個係我哋喺佢最後日子嘅唯一目標。呢個係任何家庭都會想嘅事，但佢身邊有啲人懶醒，而佢哋根本唔係醒。」
不過，知情者表示事情不是這麼簡單：「喬身邊嘅人，都係每日一直同佢一齊嘅人，佢哋只係喺佢利益出發。積遜家族冇能力自己處理呢種事，所以要其他人出面，件事好複雜，唔係外界咁睇黑同白。積遜家族依家有同照顧喬嘅人溝通，得到最新消息。」