莊思敏倒貼愛巢豪氣招親

莊思敏指香港樓價愈來愈貴，有意在海外置業。

藝人莊思敏（Jacquelin）、唐詩詠、江美儀、陸浩明及林穎彤等，昨日出席東日日本物業顧問舉辦的「日本物業投資前瞻及策略分析」活動。Jacquelin透露在港擁有兩個單位及一個舖位作放租之用，但鑑於現時本地樓市太貴，難以再買，故有意在海外置業：「我鍾意日本同泰國，遊客區應該安全，自住唔到都可以放租。依家香港一個車位嘅價錢，可以喺日本買兩間屋或者喺泰國買四間屋。」

租畀親友最麻煩

問到擇偶條件是否要持有大量物業？Jacquelin笑言只要對她好就夠：「最緊要佢唔係瞓街就得。（介唔介意攞自己嘅物業做愛巢？）如果啱嘅話，可以。」她慶幸未遇過「租霸」，反而覺得租給朋友及家人最麻煩：「租客整壞咗啲嘢都有按金可以扣，但朋友同屋企人就冇，所以如果真係喺海外置業，都係唔好話畀人知，要保守秘密。」

唐詩詠睇中一個單位，但嫌樓價太貴。	林穎彤大晒白滑玉背。	林穎彤（左起）、江美儀、陸浩明、莊思敏及唐詩詠打扮靚靚出席活動。

唐詩詠搵男友難過買樓

同場的唐詩詠透露沒有物業，很想買「磚頭」：「依家樓市好貴，我想買六百萬以下，但馬國明叫我咩價位都要睇。我睇到個單位好鍾意，超過二千萬，係有啲離譜，惟有努力工作。」問到買心水樓難還是搵男友難？她笑言：「搵心儀嘅樓唔難，只係貴，努力搵錢都買到，但搵男友自己控制唔到，要配合好多嘢。」