劉心悠變唐朝豪放女斟內衣廣告
由馬浚偉、胡定欣及劉心悠主演的新劇網上點擊屢創新高，亦帶挈心悠多了工作，更有內衣廣告邀約，向來「守身如玉」的她笑言受寵若驚，自言露背已是性感極限！
藝人劉心悠、馬國明、羅霖、康華及范文雅等昨日到尖沙咀宣傳劇集《宮心計2深宮計》，總監製梅小青宣布劇集網上點擊高達21億，眾藝人表示振奮！心悠表示很開心能參與這套「好勁的劇集」，對於同劇演員早前甫兒時「肉照」慶祝，她笑說：「我唔出身但出力，之後我哋有慶功，會捐8,888蚊抽獎，好意頭！」
「我唔係『最偉大』嗰個」
她又指劇集效應帶挈多了不少工作，更有內衣品牌邀她拍廣告，令她相當驚訝：「可能係唐朝效應，但我都唔係劇集入面『最偉大』嗰個，其實我不嬲唔係行性感，入行十年依家先接受到露背。（會接內衣廣告？）經理人傾緊。（肯唔肯着透視款式？）平時（着）冇問題，但要騷出嚟真係一個大關口。」
馬國明同樣表示會出現金慰勞工作人員，問到新劇有否帶挈更多Job？他說：「最近拍緊兩套劇，冇時間，不過唔緊要，相信之後都會有！」他又指有留意世界盃賽果，對阿根廷及德國表現失望，希望愛隊英格蘭要爭氣。
馬浚偉點燈孖麥玲玲拍後傳
另一邊廂，馬浚偉昨日出席太陽計劃活動，笑言若點擊過30億可以玩直播，問是否直播除衫？他搞笑說：「網上有人Key咗麥玲玲個樣喺周秀娜度，或者叫佢攞張裸照出嚟！其實可以開套後傳《唐玄宗與楊貴妃》，搵我同麥玲玲做，拍個搞笑版。」
