與陳淑蘭掀罵戰的Crystal從事飲食業多年，與不少圈中人都相當熟稔。Crystal兩年前經好姊妹蘭子游說下，過檔幫利承武打理旗下餐廳，惟有人恃住關係，不時醉酒「搞事」，例如嫌棄法國餐廳的食物質素；又不時事頭婆上身，教訓餐廳員工。目睹事件的好姊妹相勸不成，結果反目成仇！事件後來傳到利承武耳中，成為分手導火線，但蘭子一直想挽留這段感情，從未向外透露分手一事。
Crystal接受傳媒訪問時直認當日是蘭子邀她幫手，至於問到反目原因，她不願多說。講到蘭子指有人順手牽羊，她形容是笑話，起因只關乎一部製冰機，強調有人不知詳情亂咁講。
時裝設計師鄧達智是蘭子與Crystal的共同好友，他昨日回應事件：「佢兩個喺朋友圈中都頗受歡迎，當然希望免傷和氣。（點解蘭子話人家賊？偷咗佢嘢？）只能當戲言，童言無忌。」問到會否做和事老？他說：「好難，因為大家都係熟朋友，近期Crystal在場嘅聚會，蘭子都拒絕出席。」