美國著名饒舌歌手Eminem近日於田納西州Bonnaroo音樂節演出時，在歌曲尾聲配上巨大「呯」聲的音效，似足槍聲，不少樂迷嚇得急急低頭躲避！事後大批樂迷於社交網留言，批評Eminem無視近年多個音樂活動發生恐襲與槍擊事件帶來的恐懼。
網絡紅人Andrea Russett留言：「作為一個有輕微創傷後遺症嘅人，於歌曲結尾用上槍聲音效，真係極度唔負責任兼令人反感，我一直好鍾意Eminem，但我真係嚇到喊！」她更指：「聽到槍聲音效同見到大眾出於本能踎低，真係唔好笑、可愛或有趣，呢個係我哋可悲嘅現實，唔好笑，更加唔係一啲應該被拎嚟講笑嘅事！」而Eminem發言人則稱那只是煙花巨響。