林欣彤冇避忌繼續密會Tyrese

藝人林欣彤（Mag）與胡鴻鈞等昨午出席無綫《明愛暖萬心》記者會。再被拍得與「天堂鳥」成員Tyrese同行的Mag，被指做「最強小三」與對方的華姐女友余思霆「拗手瓜」，她氣定神閒回應：「如果話我『最強』，我想話係『最強三部曲』，今年我推出咗三首新歌，頭兩首點擊過百萬，可能第二首歌講小三，個MV拍得靚，大家睇得太投入。（減少同Tyrese約會？）冇諗過！唔想因傳聞影響大家做朋友。（再拍拖對方一定要單身？）梗係！」至於Tyrese同樣否認：「普通朋友食飯啫！我只係覺得好無奈，我同霆霆都信任對方！」余思霆則以短訊回覆指最近工作很忙，有一段時間沒有見男友：「唔好話Mag係小三，佢哋係朋友嚟。」席上，胡鴻鈞被司儀蔡康年誤叫「小姐」，難得他不介意。