唐詩詠誘騙黃翠如健身
藝人黃翠如與好姊妹唐詩詠昨日現身活動，詩詠笑言日前成功誘騙從來不做運動的翠如一齊健身，翠如笑說：「佢約咗我幾年，我發現好多健身器材都冇見過，今日對腳仲係好痛，本來諗住活動前再做運動，但詩詠怕我哋做完行唔到過嚟。我想操到好似田蕊妮咁。」
約埋睇樓
問到會否孖住上翠如男友蕭正楠主持的《美女廚房》？翠如稱有人提議，但她沒答應：「我私下畀佢（蕭正楠）踩同公開畀佢踩係兩回事。」詩詠指每次約對方都要跟蕭正楠爭人：「我哋話一齊去旅行都約咗半年，希望有人肯放佢畀我。（同埋蕭正楠一齊去？）我唔會做電燈膽。」翠如大爆詩詠每次約食飯，都會將現場所有情侶拆開來坐。
此外，翠如和詩詠被發現齊齊出現在新開賣的北角柏蔚山樓盤，巿場消息指樓盤入場費要1,300萬元起，呎價超過26,000元。對於約埋睇樓是否想買樓結婚？翠如表示：「完全唔關我事，係陪詩詠睇啫！」