美女學徒洛兒被踩做硬地獄廚神
無綫節目《美女廚房》除了女嘉賓搗亂廚房，一眾美女學徒亦是節目賣點，當中網絡女神及DJ洛兒被讚外形標致，男友劉偉健（Toyz）亦甚有來頭，在電競界曾奪世界冠軍。昨日Toyz跟電競女神Deer出席活動，他直認最近多了上娛樂版，會更注意言行，不過兩人出街拍拖一向檢點。問到女友洛兒的廚藝，Toyz狂踩說：「佢煮親嘢我都覺得好難食，佢前兩日整雞胸肉，我都食唔落，應該要切一半先煎得均勻o架嘛！但佢冇，好『鞋』囉！聽聞佢係大熱，佢應該係地獄廚神，我好有信心佢倒數第一！」
單文柔搵展鵬試食
此外，洛兒前晚偕主持蕭正楠、林盛斌及張振朗等錄影新一集《美女廚房》，經歷多次慘吞未熟的食物，三位主持笑言開始習慣，振朗說：「原本屙三日，第三集順咗，屙半日啫！」蕭正楠表示眼見劉佩玥、JW雞手鴨腳，第一次劏魚的JW還躲在一邊禱告：「佢個炸魚雖然燶咗冥鏹咁款，但幾有創意、幾好食！（會請女友黃翠如做嘉賓？）我一個人受就夠，但其實佢比起其他同事，煮嘢食已經唔錯。」
學徒之一的單文柔上集炮製番石榴朱古力炒飯，她說未有煮過給男友陳展鵬品嘗：「平時煮啲正常嘅中西餐畀佢食。（佢點評價？）唉！有時第一次煮通常失敗，佢會話唔好浪費食物。」
