陳凱琳搵姊妹教路跑10K

無綫藝員陳凱琳、吳岱融與太太鍾淑慧及兒子Justin，昨日在寶琳出席商場的父親節活動。陳凱琳下周會到馬來西亞拍攝節目，故昨晚預先與父親食飯慶祝，但男友鄭嘉穎因工作關係未能一齊慶祝。她透露拍節目要跑10公里：「都有啲擔心，平時有打羽毛球、做Gym，但係好少出去跑步，會趁出發前練跑，都想請教蔡思貝跑步心得。」
陳凱琳同吳岱融夾住足球玩遊戲，步步為營！
陳凱琳同吳岱融夾住足球玩遊戲，步步為營！

至於廿四孝老竇吳岱融表示靠打機增進父子情，太太見他們玩得夜也會提點，他笑說：「嗰個畫面就係，我哋玩到好興奮，佢就扁晒嘴。」問到可支持兒子入行？他說：「佢有興趣都會支持，不過嚟緊佢要返去新加坡讀書。」Justin則說：「自己有興趣向幕後發展做後期製作。」

吳岱融帶埋妻兒出席活動，暢談生活點滴。
  • 吳岱融帶埋妻兒出席活動，暢談生活點滴。