胡定欣揈水袖瘦晒 馬浚偉肉赤
藝人馬浚偉、胡定欣、林敬剛及馮素波等，昨午出席舞台劇《偶然．徐志摩》見面會，席間「報喜」指門票已賣得七七八八，問會否考慮加場？馬浚偉說：「睇多一陣先，但無論如何11場嘅演出體力透支都好犀利。」
戲中要唱崑曲兼跳水袖舞的胡定欣明顯瘦了一圈，她說：「早幾日我仲自己攞咗個地方，額外再練多兩個鐘，又成日上網參考相關短片。由起初嘅兩米水袖去到依家三米水袖，係好好嘅運動量。（愛上咗？）絕對會，如果唔使拍劇，我都想繼續練o架！」她又自爆夜夜發夢，對白「無限Loop」：「情形似足當年參加《舞動奇迹》呀，耳邊成日響起音樂！」馬浚偉聞言「心痛」說：「我想佢肥番啲，我鍾意女仔有肉地，可以搣吓佢塊面。」提到首次參演的電影「出戰」國際電影節，定欣表示很開心，問馬浚偉可會「包場」支持？他說：「到時我喺彌敦道拉Banner支持佢！」
