陳庭欣好相與冧掂新歡囝囝

戀情備受關注的陳庭欣，直言無意閃婚。

對於有關其戀情的報道，她坦言心情難免受影響，但入行8年早已習慣。有指因男友前度劉依靜於社交平台暗寸她，她坦言：「我唔會透過報紙雜誌去認識一個人，有啲報道歪曲同誇大咗。（男友前妻祝福妳。）我真係冇留意，其實我係圈中人啫，唔好騷擾其他人。」問到報道有否影響與男友關係，陳庭欣直言：「暫時個個都好好，個個都冇事。（見過對方小朋友未？）我同咩年紀嘅朋友都相處到嘅。」

陳展鵬狂食榴槤爆瘡

同場的陳展鵬獲化妝美容展之邀即場獻唱，吸引大批粉絲支持。他透露早前到馬來西亞亮相音樂節目，但不需唱歌：「所以唔需要擔心食錯嘢封喉，咪狂食榴槤同肉骨茶，搞到爆瘡。」他指快將結束悠長假期，月內投入新劇的拍攝工作，及忙宣傳新劇《天命》。

陳展鵬走近粉絲握手，相當親民。

剛放完長假叉電的陳展鵬，將再度投入新劇拍攝。