伍詠薇感心痛：檢討自己有冇錯！

今年是伍詠薇（伍姑娘）跟第二任老公練海棠相識20年及結婚19周年紀念，日前她接受電台節目主持人梁泰來訪問，重提練海棠兩度「偷食」事件，自言非「死頂」，不會「隻眼開隻眼閉」，指老公第一次被拍得「出軌」相時，她的感覺是：「起晒『雞皮』，之後我要小心回應保護自己，同老公坦白咁傾。」她認為老公「去玩」跟自己工作太忙有關，故也要負責任。

兩年前，老公再被爆「出軌」，她直言：「同佢講『走唔甩啦！』係好心痛、好失望，但丈夫係自己揀，與其諗係唔係一面倒佢錯，倒不如檢討吓自己有冇錯，我呢個人係傻，但好均真，唔係唔信佢，但信呢件事屬真，要去包容佢，同溝通可唔可以再一齊走落去。」

被屈繼承1.7億遺產

伍姑娘又指凡事可以「嬉笑怒罵」，全因經歷過第一任富商丈夫翁江培在婚後13日猝死的巨變，最接受不了是被屈繼承了1億7千萬遺產，她說：「冇做過，就一定唔會妥協。」其後，又發現周圍的人變成編劇，說她剋死老公，是「劏豬櫈」，還有人寸她「有一億七唔使出嚟拍戲」，更離譜的是連街上的陌生人也鬧她「八婆」，雖然淒慘，但她沒向家人提傷心事，有苦自己知。