現年33歲英國女歌手Lily Allen響應「#MeToo」風潮，自爆多年前遭樂壇一名有權有勢的人士性侵，還控訴事後被滅聲！
數月前曾提過被性騷擾的Lily，最近接受英國報章《i》訪問時自爆是性侵受害人，多年前被一名音樂界高層人士性侵，但未有公開對方身份，只指他有權有勢！Lily曾向不少女性身邊人控訴時卻被滅聲，情況有如女星露絲麥高雲（Rose McGowan）指控荷里活監製Harvey Weinstein後被打壓。
Lily又斥其唱片公司幫手隱瞞事件：「我公司有一班被力捧嘅藝人，全部都同搞過我嘅人有關連！我知道會發生咩事，佢哋會話：『不如整走Lily，嗰個人為我哋賺大錢，更加重要。』如果你拍戲拍劇，你可以唔再同嗰啲人合作，但樂壇唔可以咁樣！英美樂壇背後都係同一班人，而你簽咗十五年合約，根本冇得甩身。」她受訪時亦坦承曾吸毒，但覺悟後戒毒。
「#MeToo」風潮一呼百應，49歲美國女星狄寶娜邁茜（Debra Messing）自揭1995年拍攝處女作《真愛的風采》（A Walk in the Clouds）時，被監製欺騙簽約同意拍攝裸露戲份，去到片場才知道真的要裸露！她曾問導演Alfonso Arau應該如何準備，但被對方痛罵沒有資格問，做女演員的責任只是要剝衫，後來才想到自己被性騷擾。