藝人唐文龍昨日出席環保活動時表示，前日剛從台灣返港，在機場買了兩本環保書：「入面講到每年人類會用一兆個膠袋，即係一萬億個，而魚食咗膠之後會死或者有毒，人類食咗都唔知會點。」問可有呼籲身邊人響應環保？他無奈地說：「講咗十幾廿年啦！但大家當我傻仔咋嘛！」至於揀女友是否都要環保？他笑說：「冇諗呢啲住，但我會改變到佢變環保，如果唔係好難相處。」
