黃智雯3號波開工呆企零笑容

黃智雯

現年35歲的黃智雯（Mandy）原本打算與拍拖三年多的有米男友詹文天今年拉埋天窗，去年還進駐男友位於東半山價值2,000萬的豪宅同居試婚，但早前卻突然傳婚期有變，Mandy亦已搬離愛巢，返新蒲崗「娘家」居住。

最近忙拍攝無綫新劇《反轉貴利王》的Mandy，前日與黎諾懿在中環拍外景，當時正掛着3號風球，加上下着雨，Mandy心情似乎受到天氣影響，木無表情，只呆呆地站在旁邊等埋位，甚少與同場演員交流，間中才跟劇組人員傾談拍攝工作。而原本穿長袖恤衫戲服的黎諾懿，未埋位時要脫下恤衫，露出手臂及背脊散熱。正式拍攝時，Mandy極速收拾情緒投入角色，態度專業。當發現記者鏡頭時，才牽強地對鏡頭揮手微笑。

搵友人狂呻

另一晚8時許，穿上格仔衫的Mandy在女友人陪同現身跑馬地醫肚，未見男友蹤影。她泊車後四處搵食，期間與女友人邊行邊傾，更講到一臉愁容，及後二人步入附近食肆醫肚，逗留約一小時埋單離開，步出時Mandy依然毫無笑容，眉頭緊皺，然後匆匆往取車走人。

黃智雯與黎諾懿拍外景，等埋位時呆站一旁。	黃智雯與劇組人員交談，依然冇乜笑容。	黃智雯與友人醫肚後，眉頭緊皺。