陳家樂儲錢買愛巢
英皇藝人陳家樂昨日到澳門英皇珠寶新店以「港澳區明星店長」身份巡舖，他希望下一步能成為大中華區店長，又透露由香港區店長變成港澳區店長，老闆楊受成已經加了他一倍人工。
將近父親節，陳家樂指今年會加碼慶祝，打算買珠寶送給爸爸，希望老闆能給他折扣優惠：「爸爸有好多金鏈、金戒指，但係去飲先至戴，所以想買啲型格啲，唔想佢驚太名貴唔戴，等佢可以戴去酒廊唱歌威吓。（買埋求婚戒指？）依家儲緊首期買樓，首期都要二、三百萬好難儲。（同老闆傾吓？）老闆啲樓好靚，要再儲耐啲先，買第二層先諗，都想問吓老闆意見，之前睇報道話老闆借錢畀張敬軒買樓，如果自己再儲唔到首期，都要問吓，不過希望靠自己嘅能力。」
