美國時尚品牌Kate Spade始創人Kate Spade周二在紐約吊頸自殺，終年55歲。事後有傳她因與結婚24年的丈夫Andy Spade婚變而尋死，更有指她曾跪求丈夫不要離婚。Andy前日首度回應太太的死訊，指她受抑鬱症困擾多年：「佢走前嗰晚我哋仲有傾偈，佢當時好開心，完全冇先兆同警告佢會咁做，成件事令人好震驚。呢個明顯唔係正常嘅佢，佢有自己嘅心魔要對抗。」
Andy亦承認兩人已分手，過去10個月已分居，不過住處僅相隔幾條街，而且每日都會見面或傾偈，更會一起度假：「照顧我哋個女兒（Bea）係首要，我哋法律上未正式離婚，亦都冇傾過要離婚。我哋係最好朋友，嘗試以最好嘅方法去解決大家之間嘅問題，已經一齊咗35年，仲係關愛對方，只係想要個冷靜期。」他又反駁網上傳聞，指Kate未有酗酒或濫藥，亦沒生意問題。對於太太的遺書內容被公開，他說：「我好震驚一段畀我女兒嘅私人訊息，會畀傳媒咁冷血地公開。」