陳志雲登6重生自揭情史

曾從事不同界別的陳志雲，職場多種面孔，他都曾經接觸，不過在他人生中最震撼的事，莫過於2009年的涉貪案，這事亦被他視為人生轉捩點，最後案件上訴得直，志雲如釋重負，當中不少得着，將會在他的《志雲尋志雲登陸舞台演嘢會》中剖白。

挫折成就人生

其中曾為案件做證人的黎耀祥，兩人關係可圈可點，志雲稱今次將邀對方擔任嘉賓：「好多謝祥仔，單案當年都好渲染，佢叫大家唔好亂寫，會影響人一生(口架)，呢種朋友，唔會打落水狗、踩多一腳，真係好公道，今次祥仔自動請纓話要出嚟講！」除了黎耀祥，志雲亦請了不少圈中人做嘉賓，計有好友王喜、謝安琪、張繼聰、張敬軒、王祖藍和李亞男等。

從不介意公開年齡的志雲即將60歲，人生活過半百，經歷高山低谷，他坦言不同階段遇過不同挫折，其實都是好事，可給他精彩的人生歷練，成就他今次「登6」騷。

陳志雲自言豁達，「冇乜嘢唔可以講」。	陳志雲在記者會中化身綠色傘兵，與王喜放笑彈。	黎耀祥獲陳志雲讚有義氣。

挑戰跳舞唱歌

其實志雲心境開朗，無所不談，因為他面對問題都正面積極：「我都有情緒低落時，但要喚醒自己搵番開心感覺，要有好嘅心理質素先可以過渡唔同階段嘅難關，其實好容易，活到今時今日，我已經好豁然，冇乜嘢係唔可以講。（感情呢？）絕對會講，但我會喺個騷度，同王喜一齊。（會令大家驚喜？）我哋太熟，冇設底線，大家對話式交談，任何嘢都會講！」當中志雲更會為「登6」唱主題曲、跳舞及玩角色扮演，總之觀眾會在騷中見到從未見過的陳志雲。

髮型：Michael Lam @Beijing Hair Culture

化妝：Tiffany Fong

服裝：MODE Tuxedo

眼鏡：MUST Eyewear

場地：尖沙咀富豪九龍酒店