陳潔靈細場開騷換另類酬勞
資深歌手陳潔靈將於7月中起在演藝學院舉行12場演唱會，對於相隔24年再舉行個唱，她一開始曾有顧慮，例如擔心體力及歌酬不成正比，不過卻另有讓她豁出去的想法：「呢個場地好靚，同埋可以同一個團隊經歷12場嘅音樂會係好難得，可以一日一日咁成長。」
問到今次可要犧牲歌酬？身為演唱會總監的她說：「都冇話犧牲，講真個地方咁細，一定攞唔到紅館嘅酬勞，可以咁講，我係將我全部嘅歌酬擺番喺製作上，但有啲嘢唔係用錢可以衡量。我今次嘅酬勞唔係錢，而係整體精神嘅融合同過程，我睇嘅係今次喺我音樂生命入面加添咗咩色彩。」
場地：港島太平洋酒店Centre Street Bar