Judas冇隱瞞性取向：呢個先係我
街頭歌手羅凱鈴由街頭唱到各大商場，吸納大批粉絲之餘，連性取向亦備受網民關注。雖然她沒想過同性密友會被傳媒報道，但也從沒打算隱瞞自己是同性戀者。
Busking歌手羅凱鈴（Judas）拿起結他到郵輪碼頭公園受訪，獲不少途人叫她加油，然而她亦曾經歷被人趕走的日子：「有路人話唔想聽，叫我唔好唱。（咁你點？）冇o架，始終都有人想聽，有人唔想聽，冇辦法滿足晒所有聽眾，惟有唱好自己，唔好太擺上心。」她認為城市人可能壓力大，才會表現得不太客氣，因此她選擇笑臉迎人：「我通常都話『好呀、好呀』，咩都好咗先，啲人就會算數。好彩未試過有人爆粗，都算唔客氣之中嘅客氣，OK嘅，我接受到。」
密友照片曝光
談到早前同性密友的照片由社交平台被轉載至媒體，Judas直言沒想過，但大方表示沒有不開心：「都冇乜特別，呢啲都係我本身嘅嘢。」至於會否繼續上載私事？她強調從沒刻意隱瞞或拒絕分享：「因為呢個先係自己，如果連自己都唔承認，或者自己都覺得有問題，咁人哋當然更加覺得有問題！（屋企人好支持？）佢哋冇話支唔支持，但都接受。」
感激家人支持
重提3年前辭去小學補習老師一職成為busker，Judas透露是因為受到另一位於尖沙咀碼頭表演的busker影響，希望與對方一樣成為出色的表演者，同時亦很感激家人支持：「佢哋冇反對過，仲叫我想做就盡力去做。朋友都有問過得唔得o架，我就叫佢哋信我，我做自己鍾意嘅嘢就會好開心，佢哋都想我開心o架嘛。」
