湯怡主動出擊約大地朝夕相對

入行12年的湯怡終於躋身女一，與原島大地於英皇新片《某日某月》內大談「姊弟戀」，湯怡笑指有難度：「我同大地都係慢熱嘅人，開工前未係好熟。咁落去唔係辦法，我主動向導演提議，話開工前要多啲見，排戲、食飯同傾偈都一齊。（最終點樣打開大地嘅心扉？）原來佢都多嘢講，只不過要話題啱佢囉。」
湯怡為演活一個中學生，不少場口都以素顏演出，慶幸造型尚算「稱職」。
湯怡為演活一個中學生，不少場口都以素顏演出，慶幸造型尚算「稱職」。

戲中湯怡與大地的交流「點到即止」，湯怡難忘大夜班拍攝彼此對望的一場深情戲：「我哋一對望就爆笑，NG次數嚇親人，搞到幕後陪我哋留堂好唔好意思。」湯怡又大爆導演劉偉恒趣怪的一面：「我有場喊戲，自己匿埋準備，正式埋位時我慢慢投入，點知導演突然喺旁邊唱主題曲《還是覺得你最好》，佢話有音樂會令我易啲入戲，真係畀佢激死！」

原島大地是慢熱之人，與湯怡要慢慢培養感情。
  • 原島大地是慢熱之人，與湯怡要慢慢培養感情。