追仔成功汪琳唔要獎勵
汪琳（Irene）由昔日的無綫「電波少女」變身如今的幸福人妻，2008年與商人張忠弦（Joey）結婚，並育有一女張梓彤（Kesha）。正懷第二胎的Irene預產期為下月，今胎更成功佗仔湊成「好」字，幸福滿瀉！早前Irene就「一家四口」齊齊影靚相，留下美好回憶。
問到生埋今胎會否封肚？現年40歲的Irene笑言：「我都一把年紀喇，哈哈，夠喇！今胎都佗得辛苦，可能隔得太耐。」為張家再添新成員，老公可有獎勵？她笑說：「佢不嬲都有啲小驚喜畀我，冇諗過要獎勵，個天已經獎咗畀我，冇乜所謂。」
