李楚洳用藝術刻畫時間

李楚洳年輕有為，於2012年憑相中畫（Painting on Photo）在藝壇嶄露頭角，她透露自小熱愛藝術，畫作偏向抽象風格：「我唔鍾意啲好寫實嘅嘢，鍾意創意同天馬行空，所以唔係咁鍾意素描。」Samantha將相片印落油畫布，再在油畫布上畫畫的相中畫概念，令作品曾獲邀到羅浮宮參展。問到當初為何有創作相中畫的想法？她說：「因為影相同畫畫都係我嘅興趣，咁樣可以將兩者融合一齊成為自己作品 。」

P on P隨身伴行

Samantha經常周遊列國，親自拍攝動物照片為題材，她說：「會見到啲動物廝殺，冇諗過呢個場景會出現喺自己眼前，好血淋淋！」問到最希望有甚麼成就？她坦言：「之前未擺展覽就想擺展覽，未有拍賣就想拍賣，依家希望多啲人認識自己嘅畫，睇完我A作品，見到B作品時會認得係我嘅畫作。」她最近更殺入鐘錶界，以中國傳統記錄年、月、日及時的系統為靈感，設計全新作品P on P「天干地支」機械腕錶系列。講到設計概念，她說：「今次係嘗試將畫放落手錶度，我一路都想做產品，將自己品牌P on P擺落去，最後決定做一隻錶，人哋可以戴出街 。」

眾人拉開手幅，彰顯新腕錶的創作意念。

方力申的父母都有出席發布會支持Samantha。

方力申孫秉樞熱捧

為隆重其事，東方表行昨晚舉行產品發布會，藝人方力申（Alex）與「鐘錶大王」孫秉樞等都有到場支持，Alex透露Samantha是其家族朋友：「大家由細識到大，幾有緣分，我哋同月同日出世，佢喺我老竇間畫廊開過畫展，所以父母都有嚟撐佢場。（佢咁多才多藝，對親家？）人哋啱啱結咗婚啦！依家我想收契仔，因為有個契女。」記者打趣指若然其前緋聞女友鍾欣潼生小朋友，可會跟對方上契？他即說：「講啲咁遙遠嘅嘢！」

另外，講到新一輯《美女廚房》被批評不及他當年主持的第一輯好看，他認為觀眾不應太快下定論，又笑言當年主持時太「賤嘴」，因而被質疑人格。