姚紫茵太性感參觀皇宮被趕

模特兒姚紫茵日前與好友王璐瑤飛到泰國旅行，兼參加潑水節。她透露玩得很開心，其中一日玩水戰，玩到泳褲都濕埋，她說：「泳褲本身已經鬆，濕咗水後係咁向下跌。（有冇走光？）咁又唔會，因為我件雨衣好長，遮得住。」

她難忘有人向她潑水，但整個兜撞落她塊面，幸好有泰仔「英雄救美」：「好彩佢拉開咗我，如果唔係一定受傷，之後我都同佢交換咗Instagram。（佢係你鍾意嘅類型？）都幾好，我鍾意高嘅男仔，佢都高我一個頭，我哋之後都有傾偈，但冇發展。」今趟她首次參觀皇宮，但因衣着太「暴露」，故被人趕去買衫才能入場。