捧囡囡做明星？羅敏莊：仲有進步空間

藝人陳國邦及羅敏莊帶同五歲半女兒陳禛到灣仔會展，出席由梁梓禧（前名梁奕倫）做執行董事的兒童才藝學校活動。活潑的陳禛狂擺甫士，她直言喜歡唱歌及跳舞，又即席獻唱幾句《甜蜜蜜》！問是否栽培囡囡做明星？羅敏莊謙稱陳禛仍有進步空間：「不過成日畀大家影佢，都好似做咗童星咁，之前上過契爺（阮兆祥）福祿壽個紅館騷，可能佢哋去澳門開騷都會帶埋佢。」羅敏莊又透露與陳國邦為學院擔任音樂及戲劇顧問，更會親授課程，分享栽培子女心得。