湯洛雯狂晒水着相舊愛羅天宇唔Like

藝人湯洛雯（靚湯）於三月透露與羅天宇已分手一段時間，近日外遊的她與細妹湯樂瑤不斷晒泳照，頻密得連網友都話睇得太多，叫她們收手！羅天宇昨日出席戒煙活動時，直言知道靚湯頻晒泳裝，曾與對方通電話。靚湯分手後大解放，問他可曾管對方衣着？他尷尬表示：「之前有管少少啦，唔係咁鍾意囉，不過做我哋呢行冇辦法，有時提點吓咁囉！」問到可有機會復合？他直言想專注工作，望對方發展順利。此外，羅天宇自言沒有吸煙習慣，亦希望另一半不是煙民：「我媽咪同爸爸都好抗拒，我諗我媽咪知道我食煙嘅話會打死我！」