藝人孫慧雪與九個月大兒子Riley昨日到銅鑼灣出席活動，精靈的Riley手舞足蹈又搞笑伸手除鞋，雪雪笑指囝囝處男出席活動沒有緊張，反而興奮嗌好，又指囝囝重25磅，相當重磅。問到湊仔是否辛苦？她說：「都OK，佢唔扭計，但抱佢好似舉重咁，我大隻咗好多，依家好壯健，但我八月拍劇相信會瘦番，仲一次過拍兩套，希望短時間拍晒，之後放假。」
同場的林盛斌（Bob）帶霏兒、熹兒及機兒三個女兒到場，今次機兒獻唱外國女歌手Camila Cabella的歌，Bob笑說：「我以前偶像係本土，幾個女就鍾意外國歌手。」他笑言介紹女兒聽廣東歌卻被嫌老土，問到是否有代溝？他說：「冇！我哋晚晚屋企開演唱會，佢哋將來都可以搵吓食。」