天然呆 反應快避過「中頭獎」

馬國明相比女友黃心穎,可謂慳得就慳,除了穿贈品T恤,換車亦買二手車,更被爆過廠探心穎班時,只獨買零食給她,被人笑他「孤寒」!月前有人遇見馬國明去睇車,問到是否送車給女友,他耍手擰頭說:「唔係喇!我自己都冇錢買新車,唔使供樓咩?」可見他為人應使則使。

近日忙於宣傳新劇《宮心計2深宮計》的馬國明,日前下午1時許,一支公駕車去銅鑼灣美容院做Facial扮靚,在停車場泊好車後,經常「天然呆」的他拿着旅行袋落車,未有為意該處天花吊着木欄,幾乎中正「頭獎」,幸好及時烏身避開,才不致撞穿頭。扮靚約兩粒鐘後,就駕車返回太古城寓所。