黃心穎撇甩馬國明 晒120萬辣跑搶Fo!

無綫花旦黃心穎經常被指「消費」男友馬國明,繼去年買樓榮升業主後,最近心穎又豪擲120萬元買入白色「波子」跑車。據知,她近年密密做接落不少私人騷,狂賺幾桶金!日前她揸住靚車出巡,豪氣表示不用男友「幫拖」,心穎說:「佢唔係第一個坐嘅男人。」

港姐黃心穎是無綫近年彈得最快的花旦之一,出道6年的她,想不到連帶荷包都腫脹不少,本身心穎有個著名中醫父親,平日已周身名牌,每逢放假例必出外旅行充電,似乎「財源滾滾」水源不絕。心穎一直都想買樓投資,去年中她果然言出必行,以850萬元購入啟德天寰一個兩房單位,公司很多同事都取笑她是「神秘小富婆」!

買完樓又換新車

據知,原來心穎私下好爛做,日接夜拍劇已經冇得瞓,還狂接不少私人宴會騷,為了叫價更高,除了擔任司儀之餘,還主動提出可以唱埋歌娛賓,一個月閒閒哋接四、五單Job,月入高達六位數字,難怪買完樓又換新車,一擲120萬買入保時捷跑車,一年間豪使逾千萬元。

日前下午,心穎為新劇《宮心計2深宮計》到將軍澳一間酒店做宣傳,已急不及待騷新車,活動後,只見心穎手持一杯熱咖啡與助手步出,在酒店門外等候代客泊車員將座駕駛至面前,當「波子」跑車駛至時,在場人士即時被吸引至眼望望,而孭住名牌手袋、腳踏潮鞋的心穎則施施然坐上司機位,待助手安頓好物品後,即獨自駕駛新車離開。雖然連日來心穎都有揸住「新歡」外出,但卻不見男友馬國明有份「共享」。

計過數要享受吓

昨日心穎接受本報電話訪問,提到富貴地買完新樓又買新車,她直認不諱說:「係呀!呢架係我嘅Dream Car嚟o架!之前嗰架四驅車都揸咗4年啦!我都計過晒數,依家夠錢供樓、供車,應付到就做,畀自己享受吓。(要有錢爸爸幫手?)我冇問過爸爸攞錢o架!一向都係自己搵到先使。」當問到男友馬國明可有資助時,她即很大反應,說:「梗係冇!我哋財政獨立o架!(咁男友有冇坐過你架靚車?)有,不過佢唔係第一個坐嘅男人,我老竇先係第一個坐。」

文、攝:追蹤組

第一手消息請下載on.cc東網iPhone/iPad/Android/