梁烈唯移正盆骨免下半生痛苦
梁烈唯（唯唯）去年拍撞車戲撞到盆骨扭曲受傷，昨日他到電台受訪時透露，幸好現時慢慢移番正，但醫生叫他不可以拍動作戲及做運動，否則下半生會很辛苦！
藝人吳卓羲、高海寧及梁烈唯昨日到電台宣傳邵氏網劇《飛虎之潛行極戰》，唯唯去年拍此劇的撞車戲受傷，他表示仍醫理中，情況開始好轉，右腳已沒有之前那麼痹，他說：「醫生話我椎間盤開始縮番入去，因為個盆骨撞到扭曲咗，依家慢慢移番正。」
唔可以做運動
唯唯說要繼續睇醫生，睇到斷尾為止：「醫生叫我唔好諗住唔睇，又走去拍動作戲，因為只要姿勢唔好，好易又歪番，如果整唔好，下半生會好辛苦，我都試過嗰啲痹真係好困擾！」他坦言現時運動都不能做，連慢跑都不可以，只可以行路。
點擊率達28億
說到《飛》劇反應很好，三人開心透露劇集在內地錄得高達28億網上點擊率，但暫時未知道無綫的收視如何。由於劇集已在myTV SUPER播出，問到可會擔心影響目前在無綫播出的收視？吳卓羲表示身邊朋友及家人都很支持：「就算佢哋之前已經睇過，但依家播佢哋都會睇，都仲係覺得咁緊張。」唯唯亦表示警匪片有一定的擁躉支持，此劇又是大型製作，有很多動作、爆破場面吸引觀眾。
至於高海寧之前因鼻內生血管瘤，要做割除血管瘤手術，她透露氣管仍有水腫和收縮，以致咳個不停，笑言最近食了很多藥：「覺得自己有好多毒喺身入面。（醫生話幾時好番？）要Keep住睇醫生呀！諗住睇完西醫之後，睇中醫調理吓身體。」文：音樂組