於活動上擔任司儀的藝人Kawaii透露，最近為蔚雨芯及馬天佑的新歌MV忙到癲：「佢哋公司好揼本，花六位數字去台灣拍MV，我就幫佢哋搞食宿嘅安排細節。」被問會否有時間探望好友何潤東？她笑指大家都忙，但亦有相約見面：「佢結婚之後都只係見過一次面，大家都忙，佢監製完一部劇集又要拍戲，我都想安排佢嚟香港同粉絲見面，今次我過去就係要捉佢過嚟。」並笑指不敢經常找對方，怕影響對方的造人計劃。
