歌手李國祥前晚在麥花臣場館舉行一連三場慈善演唱會的頭場演出，他多謝媽媽時感觸落淚：「爸爸過咗身之後，阿媽冇喺我哋面前喊過，佢係賣菜，仲記得佢一手秤咗籮菜喺膊頭嘅畫面，並唔係因為佢捱得，而係我哋一班小朋友等緊佢糊口。」李國祥亦重提生意失敗及炒樓破產的往事：「當時匿埋唔想見人。」騷後受訪時，他透露姪仔尾場才會來支持，又笑言今次與小朋友合作，反被他們質問唱錯歌詞。
