江嘉敏貪玩吊上癮
藝人余德丞日前與江嘉敏為無綫新劇《危城 First Lady》拍攝外景，與江嘉敏在戲中飾演情侶的他，無懼傳緋聞的風險，捉實江嘉敏對手整蠱她！余德丞透露今次為劇集首次吊威吔，更吊至三樓高，直言起初擔心受傷，但劇組相當細心，教他怎樣做好保護措拖：「我着條單車褲去打底，都怕會勒親大髀位，但好彩都冇咩事發生！」
唔知拍檔大隻
他透露每次上威吔前，都要當眾脫下長褲，僅穿單車褲來上威吔，但笑言不會尷尬：「我以前游水都係咁啦，有時淨係着三角褲添！」江嘉敏直言羨慕對方可以吊威吔，自言雖然畏高，但覺得會玩上癮：「我好恨o架！之前拍劇試過吊威吔拍跌落山戲，都幾好玩！想試下畀人吊上幾層樓高！」她又笑指在劇中未見余德丞晒肌，所以不知對方是大隻仔！
文：影視組