泳兒自爆曾被爸爸跟蹤
歌手泳兒昨日到電台宣傳新歌《騎膊馬》，她表示再次唱親情為主題的歌曲，雖然非商業及K歌，相信仍會令不少人有共鳴。泳兒指爸爸是緊張大師，每件事都會說三次以上，覺得他很囉唆，但漸漸發覺自己同樣因緊張家中的愛犬而對男友囉唆，她說：「男友出街要佢記住拖實狗帶，驚狗狗走失，又叫佢小心唔好畀狗狗誤食朱古力會中毒等等。」
泳兒指爸爸曾緊張到跟蹤她：「當時我已經入行，有次同爸爸買完嘢後我去搭車開工，爸爸話送我去港鐵站，我話唔使，之後發現佢靜靜喺背後跟住我，我一擰轉頭，嚇得佢閃身走，嗰時覺得好肉酸，但人大咗就慢慢體諒做父親嘅感受！」