宣萱催馬國明盡快生B
藝人宣萱及馬國明昨日出席美容中心活動，台上宣萱獲贈永久VIP Card，司儀陸浩明（6號）指馬國明的VIP Card較特別要給家人用，但笑言BB（女友黃心穎）尚未成為家人，宣萱即追問誰是BB，6號即開名說黃心穎，馬國明亦打趣說：「咁我用嚟求婚用。」
活動後兩人接受訪問，宣萱提議馬國明盡快生BB，因有精力陪BB玩，又追問他是否有求婚計劃，嚇得他說：「冇冇冇，唔好咁快寫到呢度。」宣萱又問兩人拍拖多久，令他尷尬說：「唔係好耐，了解中。」講到心穎快踏入三字頭，宣萱驚訝說：「三咋？其實（結婚）冇年齡限制，我係人辦。」
全程緊張的馬國明表示宣萱是其女神之一，因此不敢口花。宣萱則讚他感覺似羅嘉良，同樣怕醜傻更更！貴為民選視帝視后的他們希望合作，宣萱說：「做情侶未必得，我要做好多護理，姊弟戀喎！或者演史密夫與史密妻咁，有打嘅，另類情侶！」