安志杰推Job陪待產
名模Jessica C.懷第二胎已經8個多月，昨日正式宣布佗B仔，成功湊成「好」字！雖然預產期為六月中，但老公安志杰與囡囡Tessa難掩喜悅，安志杰更推Job留港陪產，樂做湊仔公。
Jessica C.（JC）2016年為影星安志杰（Andy）誕下囡囡Tessa，去年於夏威夷舉行婚禮時已再度懷孕，實行三年抱兩，相當幸福。一家三口早前拍攝家庭照，挺巨肚的JC穿上性感內衣，大晒豐滿上圍。其中一張相片見到JC手持氣球，上面有「Baby Boy」的字樣，宣布胎兒性別為男仔。Andy透露JC預產期為下月中，雖然Tessa在美國出生，但為免帶着囡囡舟車勞頓，所以今胎決定留港生。
囡囡學定湊細佬
即將再做爸爸的Andy直言好緊張，為了照顧JC，更已推掉數個工作，留港陪太太待產：「好開心，但緊張，始終係一個新生命嘅來臨，加上要計劃小朋友日後嘅生活、教育同成長。（仲會唔會再生？）順其自然，一切由天安排。」Andy又指得悉第二胎是仔後，十分興奮，更大爆囡囡上堂時已向老師請教如何湊弟弟，相信Tessa一定是個好姐姐。
文：專案組