郭羨妮唔服輸寧願老公「轉基」
藝人郭羨妮（Sonija）、楊思琦、譚玉瑛等昨日出席電台活動。Sonija談到曾在短劇中飾演發現丈夫中途「轉基」的妻子，笑說：「相比起真係出軌應該冇咁嬲，輸畀男人唔同輸畀第三者，兩樣嘢冇得比嘛！」她坦言有戲癮：「依家篩選緊好劇本，囡囡開始大，我希望有番啲事業。」
至於楊思琦透露6月會到內地拍電影一個月，相信屆時會很想念囡囡。問到天氣酷熱，可擔心中暑？她說：「會做足防曬，返嚟可能變咗非洲黑人。」而譚玉瑛表示喜愛收看與科學有關的節目：「學識好多嘢，令我吸收好多知識。（同男朋友睇？）唔係，同男朋友係睇愛情片，點會同男朋友睇科學嘢咁得意嘅？」