唱歌被當大叫森美畀工人狂踩
藝人森美昨日到電台接受訪問，談到日前在無綫節目上罕有地公開高唱國語歌，被不少網民指普通話水平惹笑，他笑說：「我呢啲係港普派，如果渣渣輝（張家輝）係港普派會長，我都算係幹事(口架)喇！」他透露當日十分緊張，最後要嘉賓主持古巨基在鏡頭後幫他打拍子，才順利錄完。
森美自爆在家中練歌時受盡冷眼：「個女成日話我走音，到臨錄影嗰日老婆仲問我可唔可以換歌。最搞笑係老婆有時打電話返屋企問工人『Is he singing？（先生係咪唱緊歌？）』我工人會望一望我，然後答『No, he is shouting.（佢喺度大叫）』明明我只係練習緊高音。」