古天樂怕「媽媽」聲瞞住打打殺殺

古仔前晚率《殺破狼．貪狼》團隊慶功，演員林家棟、雪兒、蔡潔與陳漢娜等紛紛現身，好友曾志偉、吳君如及方平等亦到場分享喜悅。古仔即場向電影公司高層黃柏高送贈「金牌經理人」金牌，他說：「有次佢送咗塊印有龍嘅金牌畀我，佢話我攞獎後可以送番塊金牌畀佢。」氹得黃柏高開懷大笑。

繼早前連奪5個影帝獎項後，古仔近日再獲意大利頒發「香港薩蘭托國際電影節傑出演員大獎」，他笑說：「好開心！（有信心再接拍打片？）呢套之後都連拍咗兩套，其中有套仲一個打50個！其實（打）都冇話唔得嘅，但需要時間囉！可以做好啲點解唔做好佢？（《殺》片原班開拍續集？）留畀電影公司公布。」他笑言每次拍攝危險場面，不會事先向古母匯報：「免得佢𠵱𠵱哦哦！（母親節點慶祝？）請餐飯，送咗隻錶畀佢，係佢要求。（叫你帶女友畀佢見？）呢樣冇得買喎！（下一步想成家立室？）感情事我係唔回應嘅。」

古天樂領軍慶功，獲曾志偉與薛凱琪等撐場。	古天樂送金牌回饋黃柏高。	陳漢娜稍後到巴黎睇騷，邊玩邊血拼。

林家棟等三年變忠

林家棟帶病到場，自爆患普通感冒：「我喺澳門拍緊戲，演正派警察，等咗三年終於有機會演忠角！」他表示今次預算逗留一個月，戲中與蔡潔更有激情戲：「我嘅尺度就係冇尺度！之前都試過背部、側面赤裸演出，睇劇本啦！（正面全裸？）咁我輸人唔輸陣，我好正面o架。」

林家棟帶病慶功，但一講新片即起勁。

吳君如拍拖到場支持古天樂。

而陳漢娜剛從日本返港，稍後又再出發到巴黎睇騷：「會乘機留低玩吓，9月就同任賢齊、陳小春等拍一套災難求生片。」

文：影視組